Voi Varakļuonu nūvodam byut?

Sovpus  “Jaunū konservativū parteju” puorstuovūšais Saeimys deputāts Jurs Rancāns  uzskota, ka Varakļuonūs ir juoatgrīž kulturviesturiskuo taisneiba i  nūvodu juodavīnoj Latgolys planavuošonys reģionā asūšajam Rēzeknis nūvodam.

Taipoš paklaussim  advokata i sabīdriskuo darbinīka Agra Bitāna, kai arī Varakļuonu dzeivuotuoju redzīni.

SIA “Latgales dārzeņu loģistika” nūsadorboj na vīņ ar  tomātu audziešonu, bet sadarbeibā ar taidom izgleiteibys īstuodem kai Elektronikys i datorzynuotņu institūtu, Reigys tehniskū universitāti, Rēzeknis tehnoloģeju akademeju Mežvidūs teik radeiti aizmetņi muoksleigam intelektam. Teik izstruoduotys tehnoloģejis, kurys, kai cer SIA “Latgales dārzeņu loģistika” vaļdis lūceklis Edgars Romanovskis, puorskatomā nuokūtnē varātum tikt komercalizātys – “navys vīnkuorši tomātu audziešona, bet arī klimata vadeišona,”soka Romanovskis. I leidza ar tū, nuokameibā arei Latvejā varātu byut ar lauksaimnīceibu saisteitys augstuos tehnaloģejis.

Mežvidu syltumneicys jau tān ir  “testa vīta”, kur teik puorbaudeitys gon jaunuokuos augu gaismuošonys sistēmys, gon klimata vadeibys sistēmys. I vyss tys dorbs rezultēsīs produktūs, kū varēs pīduovuot na vīn vītejim patārātuojim, bet arei vadūšojom “syltumneicu” valstim, puorlīcynuots Romanovskis.

“Mežvidūs nav mierķis giut uotru peļņu, bet radeit produktus un virzeitīs iz prīkšu, lai byutu piec īspiejis leluoka pīvīnuotuo vierteiba, kas pīruoda, ka mes varam dareit koč kū vaira,” nūruoda SIA “Latgales dārzeņu loģistika” vaļdis lūceklis Edgars Romanovskis.